I. INTROIT
Requiem æternam dona eis, Domine;
et lux perpetua luceat eis.
Te decet hymnus, Deus, in Sion,
et tibi reddetur votum in Jerusalem.
Exaudi orationem meam;
ad te omnis caro veniet.
II. KYRIE
Kyrie eleison,
Christe eleison,
Kyrie eleison
III. DOMINE JESU CHRISTE
Domine Jesu Christe, Rex gloriæ,
libera animas omnium fidelium
defunctorum de poenis inferni et de
profundo lacu; libera eas de ore
leonis; ne absorbeat eas tartarus, ne
cadant in obscurum. Sed signifer
sanctus Michael repræsentet eas in
lucem sanctam. Quam olim Abrahæ
promisisti et semini ejus.
Hostias et preces tibi, Domine,
laudis offerimus. Tu suscipe pro
animabus illis quarum hodie memoriam
facimus. Fac eas, Domine, de morte
transire ad vitam. Quam olim Abrahæ
promisisti et semini ejus.
IV .SANCTUS & BENEDICTUS
Sanctus, sanctus, sanctus, Dominus
Deus Sabaoth. Pleni sunt coeli et
terra gloria tua. Hosanna in excelsis.
Benedictus qui venit in nomine Domini.
Hosanna in excelsis.
V. PIE JESU
Pie Jesu Domine,
dona eis requiem,
requiem sempiternam.
VI. AGNUS DEI
Agnus Dei, qui tollis peccata mundi,
dona eis requiem.
Agnus Dei, qui tollis peccata mundi,
dona eis requiem sempitemam.
VII. LUX AETERNA
Lux æterna luceat eis, Domine:
cum sanctis tuis in æternum:
quia pius es.
Requiem æternam dona eis, Domine,
et lux perpetua luceat eis.
VIII. LIBERA ME
Libera me, Domine, de morte æterna,
in die illa tremenda:
Quando coeli movendi sunt et terra:
Dum veneris judicare sæculum per ignem.
Tremens factus sum ego, et timeo, dum
discussio venerit atque ventura ira,
quando coeli movendi sunt et terra.
Dies illa, dies iræ, calamitatis et
miseriæ, dies magna et amara valde.
Dum veneris judicare sæculum per ignem.
Requiem æternam dona eis nomine,
et lux perpetua luceat eis.
IX. IN PARADISUM
In paradisum deducant te angeli:
in tuo adventu suscipiant te martyres,
et perducant te in civitatem
sanctam Jerusalem.
Chorus angelorum te suscipiat,
et cum Lazaro quondam paupere
ætemam habeas requiem.
Here's a very out of tune Introit and Kyrie:
http://www.youtube.com/watch?v=lM28-ujvE8U&feature=related